| dionisiy1500 | Дата: Среда, 25.12.2024, 07:02 | Сообщение # 1 |
 Генералиссимус
Группа: Администраторы
Сообщений: 2320
Статус: Offline
| Быт.21.22-34. Упражнение в предстоянии
быт21:22 Бысть же в то время, и рече авимелех, и охозаф невестоводитель его, и фихол воевода силы его, ко аврааму, глаголя: Бог с тобою во всех, яже твориши:
быт21:23 Ныне убо кленися ми Богом, не обидети мене, ниже семене моего, ниже имене моего: но по правде, юже сотворих с тобою, сотвориши со мною и земли, идеже ты вселился еси на ней.
быт21:24 И рече авраам: аз кленуся.
быт21:25 И обличи авраам авимелеха о кладязех водных, яже отяша отроцы авимелеховы.
быт21:26 И рече ему авимелех: не ведех, кто сотвори тебе вещь сию: ниже ты ми поведал еси, ниже аз слышах, токмо днесь.
быт21:27 И взя авраам овцы и юнцы и даде авимелеху: и завещаста оба завет.
быт21:28 И постави авраам седмь агниц овчих единых.
быт21:29 И рече авимелех аврааму: что суть седмь агницы овец сих, яже поставил еси едины?
быт21:30 И рече авраам: яко седмь сих агниц возмеши у мене, да будут ми во свидетелство, яко аз ископах кладязь сей.
быт21:31 Сего ради наименова имя месту тому кладязь клятвенный: яко тамо клястася оба
быт21:32 и завещаста завет у кладязя клятвеннаго. Воста же авимелех, и охозаф невестоводитель его, и фихол воевода силы его, и возвратишася в землю филистимску.
быт21:33 И насади авраам ниву у кладязя клятвеннаго, и призва ту имя Господа, Бога вечнаго.
быт21:34 Обита же авраам в земли филистимстей дни многи.
*
Христианину прилично предстоять Божественному Лицу.
Жизнь в «земли филистимстей» есть упражнение в таком предстоянии.
«Кладязь клятвенный», думаю, есть образ разумного предстояния Богу в Лице Господа Иисуса Христа, который есть по нам клятва.
«Седмь агниц овец», думаю, есть образ образ упражнения в предстоянии Господу Иисусу в разуме семи дней творения.
**
Богу нашему слава. Аминь.
|
| |
| |
