| dionisiy1500 | Дата: Среда, 23.06.2021, 06:50 | Сообщение # 1 |
 Генералиссимус
Группа: Администраторы
Сообщений: 2387
Статус: Offline
| мф.18.23-35. Прости, и будешь прощен
мф18:23 Сего ради уподобися Царствие небесное человеку царю, иже восхоте стязатися о словеси с рабы своими.
мф18:24 Наченшу же ему стязатися, приведоша ему единаго должника тмою талант:
мф18:25 не имущу же ему воздати, повеле и господь его продати, и жену его, и чада, и вся, елика имеяше, и отдати.
мф18:26 Пад убо раб той, кланяшеся ему, глаголя: господи, потерпи на мне, и вся ти воздам.
мф18:27 Милосердовав же господь раба того, прости его и долг отпусти ему.
мф18:28 Изшед же раб той, обрете единаго (от) клеврет своих, иже бе должен ему стом пенязь: и емь его давляше, глаголя: отдаждь ми, имже (ми) еси должен.
мф18:29 Пад убо клеврет его на нозе его, моляше его, глаголя: потерпи на мне, и вся воздам ти.
мф18:30 Он же не хотяше, но вед всади его в темницу, дондеже воздаст должное.
мф18:31 Видевше же клеврети его бывшая, сжалиша си зело и пришедше сказаша господину своему вся бывшая.
мф18:32 Тогда призвав его господин его, глагола ему: рабе лукавый, весь долг он отпустих тебе, понеже умолил мя еси:
мф18:33 не подобаше ли и тебе помиловати клеврета твоего, якоже и аз тя помиловах?
мф18:34 И прогневався господь его, предаде его мучителем, дондеже воздаст весь долг свой.
мф18:35 Тако и Отец мой небесный сотворит вам, аще не отпустите кийждо брату своему от сердец ваших прегрешения их.
**
Богу нашему слава. Аминь.
|
| |
| |
