| dionisiy1500 | Дата: Вторник, 12.07.2022, 05:30 | Сообщение # 1 |
 Генералиссимус
Группа: Администраторы
Сообщений: 2289
Статус: Offline
| мф3:1 Во дни же оны прииде иоанн креститель, проповедая в пустыни иудейстей
мф3:2 и глаголя: покайтеся, приближибося Царствие небесное.
*
мф4:12 Слышав же Иисус, яко иоанн предан бысть, отиде в галилею,
мф4:13 и оставль назарет, пришед вселися в капернаум в поморие, в пределех завулоних и неффалимлих:
мф4:14 да сбудется реченное исаием пророком, глаголющим:
мф4:15 земля завулоня и земля неффалимля, путь моря об он пол иордана, галилеа язык,
мф4:16 людие седящии во тме видеша свет велий, и седящым в стране и сени смертней, свет возсия им.
мф4:17 Оттоле начат Иисус проповедати и глаголати: покайтеся, приближися бо Царство небесное.
*
мф4:23 И прохождаше всю галилею Иисус, учя на сонмищих их и проповедая Евангелие Царствия, изцеляя всяк недуг и всяку язю в людех.
*
мф5:1 Узрев же народы, взыде на гору: и седшу ему, приступиша к нему ученицы его.
мф5:2 И отверз уста своя, учаше их, глаголя:
мф5:3 блажени нищии духом: яко тех есть Царствие небесное.
мф5:4 Блажени плачущии: яко тии утешатся.
мф5:5 Блажени кротцыи: яко тии наследят землю.
мф5:6 Блажени алчущии и жаждущии правды: яко тии насытятся.
мф5:7 Блажени милостивии: яко тии помиловани будут.
мф5:8 Блажени честии сердцем: яко тии Бога узрят.
мф5:9 Блажени миротворцы: яко тии сынове Божии нарекутся.
мф5:10 Блажени изгнани правды ради: яко тех есть Царствие небесное.
*
мф5:19 Иже аще разорит едину заповедий сих малых и научит тако человеки, мний наречется в Царствии небеснем: а иже сотворит и научит, сей велий наречется в Царствии небеснем.
*
мф5:20 глаголю бо вам, яко аще не избудет правда ваша паче книжник и фарисей, не внидете в Царствие небесное.
*
мф6:10 да приидет Царствие твое: да будет воля твоя, яко на небеси, и на земли:
*
мф6:33 Ищите же прежде Царствия Божия и правды его, и сия вся приложатся вам.
*
мф7:21 Не всяк глаголяй ми: Господи, Господи, внидет в Царствие небесное: но творяй волю Отца моего, иже есть на небесех.
*
мф8:11 глаголю же вам, яко мнози от восток и запад приидут и возлягут со авраамом и исааком и иаковом во Царствии небеснем:
мф8:12 сынове же царствия изгнани будут во тму кромешнюю: ту будет плачь и скрежет зубом.
*
мф9:35 И прохождаше Иисус грады вся и веси, учя на сонмищих их, и проповедая Евангелие Царствия, и целя всяк недуг и всяку язю в людех.
*
мф10:7 ходяще же проповедуйте, глаголюще, яко приближися Царствие небесное:
*
мф11:11 Аминь глаголю вам, не воста в рожденных женами болий иоанна крестителя: мний же во Царствии небеснем болий его есть.
мф11:12 От дний же иоанна крестителя доселе Царствие небесное нудится, и нуждницы восхищают е:
*
мф12:28 Аще ли же аз о Дусе Божии изгоню бесы, убо постиже на вас Царствие Божие.
*
мф13:10 И приступивше ученицы (его) рекоша ему: почто притчами глаголеши им?
мф13:11 Он же отвещав рече им: яко вам дано есть разумети тайны Царствия небеснаго, онем же не дано есть:
*
мф13:19 всякому слышащему слово Царствия и не разумевающу, приходит лукавый и восхищает всеянное в сердцы его: сие есть, еже при пути сеянное.
*
мф13:24 Ину притчу предложи им, глаголя: уподобися Царствие небесное человеку, сеявшу доброе семя на селе своем:
*
мф13:31 Ину притчу предложи им, глаголя: подобно есть Царствие небесное зерну горушичну, еже взем человек всея на селе своем,
*
мф13:33 Ину притчу глагола им: подобно есть Царствие небесное квасу, егоже вземши жена скры в сатех триех муки, дондеже вскисоша вся.
*
мф13:44 Паки подобно есть Царствие небесное сокровищу сокровену на селе, еже обрет человек скры, и от радости его идет, и вся, елика имать, продает, и купует село то.
*
мф13:45 Паки подобно есть Царствие небесное человеку купцу, ищущу добрых бисерей,
мф13:46 иже обрет един многоценен бисер, шед продаде вся, елика имяше, и купи его.
*
мф13:47 Паки подобно есть Царствие небесное неводу ввержену в море и от всякаго рода собравшу,
*
мф13:52 Он же рече им: сего ради всяк книжник, научився Царствию небесному, подобен есть человеку домовиту, иже износит от сокровища своего новая и ветхая.
*
мф16:19 и дам ти ключи Царства небеснаго: и еже аще свяжеши на земли, будет связано на небесех: и еже аще разрешиши на земли, будет разрешено на небесех.
*
мф16:28 аминь глаголю вам, (яко) суть нецыи от зде стоящих, иже не имут вкусити смерти, дондеже видят Сына Человеческаго грядуща во Царствии своем.
*
мф18:1 В той час приступиша ученицы ко Иисусу, глаголюще: кто убо болий есть в Царствии небеснем?
*
мф18:2 И призвав Иисус отроча, постави е посреде их
мф18:3 и рече: аминь глаголю вам, аще не обратитеся и будете яко дети, не внидете в Царство небесное:
мф18:4 иже убо смирится яко отроча сие, той есть болий во Царствии небеснем:
*
мф18:23 Сего ради уподобися Царствие небесное человеку царю, иже восхоте стязатися о словеси с рабы своими.
*
мф19:12 суть бо скопцы, иже из чрева матерня родишася тако: и суть скопцы, иже скопишася от человек: и суть скопцы, иже исказиша сами себе Царствия ради небеснаго: могий вместити да вместит.
*
мф19:14 Иисус же рече (им): оставите детей и не возбраняйте им приити ко мне: таковых бо есть Царство небесное.
*
мф19:23 Иисус же рече учеником своим: аминь глаголю вам, яко неудобь богатый внидет в Царствие небесное:
*
мф20:1 Подобно бо есть Царствие небесное человеку домовиту, иже изыде купно утро наяти делатели в виноград свой,
*
мф20:21 Он же рече ей: чесо хощеши? Глагола ему: рцы, да сядета сия оба сына моя, един одесную тебе, и един ошуюю (тебе), во Царствии твоем.
*
мф21:31 Кий от обою сотвори волю отчу? Глаголаша ему: первый. глагола им Иисус: аминь глаголю вам, яко мытари и любодейцы варяют вы в Царствии Божии:
*
мф21:43 Сего ради глаголю вам, яко отимется от вас Царствие Божие и дастся языку творящему плоды его:
*
мф22:2 уподобися Царствие небесное человеку царю, иже сотвори браки сыну своему
*
мф23:13 Горе вам, книжницы и фарисее, лицемери, яко затворяете Царствие небесное пред человеки: вы бо не входите, ни входящих оставляете внити.
*
мф24:14 И проповестся сие Евангелие Царствия по всей вселенней, во свидетелство всем языком: и тогда приидет кончина.
*
мф25:1 Тогда уподобися Царствие небесное десятим девам, яже прияша светилники своя и изыдоша в сретение жениху:
*
мф25:34 Тогда речет Царь сущым одесную его: приидите, благословеннии Отца моего, наследуйте уготованное вам Царствие от сложения мира:
*
мф26:29 глаголю же вам, яко не имам пити отныне от сего плода лознаго, до дне того, егда е пию с вами ново во Царствии Отца моего.
**
Богу нашему слава. Аминь.
|
| |
| |
