dionisiy1500 | Дата: Четверг, 06.05.2021, 18:57 | Сообщение # 1 |
Генералиссимус
Группа: Администраторы
Сообщений: 2203
Статус: Offline
| мф13:24 Ину притчу предложи им, глаголя: уподобися Царствие небесное человеку, сеявшу доброе семя на селе своем: мф13:25 спящым же человеком, прииде враг его и всея плевелы посреде пшеницы и отиде: мф13:26 егда же прозябе трава и плод сотвори, тогда явишася и плевелие. мф13:27 Пришедше же раби господина, реша ему: господи, не доброе ли семя сеял еси на селе твоем? откуду убо имать плевелы? мф13:28 Он же рече им: враг человек сие сотвори. Раби же реша ему: хощеши ли убо, да шедше исплевем я? мф13:29 Он же рече (им): ни: да не когда восторгающе плевелы, восторгнете купно с ними (и) пшеницу: мф13:30 оставите расти обое купно до жатвы: и во время жатвы реку жателем: соберите первее плевелы и свяжите их в снопы, яко сожещи я: а пшеницу соберите в житницу мою. мф13:31 Ину притчу предложи им, глаголя: подобно есть Царствие небесное зерну горушичну, еже взем человек всея на селе своем, мф13:32 еже малейше убо есть от всех семен: егда же возрастет, более (всех) зелий есть и бывает древо, яко приити птицам небесным и витати на ветвех его. мф13:36 Тогда оставль народы, прииде в дом Иисус. И приступиша к нему ученицы его, глаголюще: скажи нам притчу плевел селных. мф13:37 Он же отвещав рече им: сеявый доброе семя есть Сын Человеческий: мф13:38 а село есть мир: доброе же семя, сии суть сынове Царствия, а плевелие суть сынове неприязненнии: мф13:39 а враг всеявый их есть диавол: а жатва кончина века есть: а жатели ангели суть. мф13:40 Якоже убо собирают плевелы и огнем сожигают, тако будет в скончание века сего: мф13:41 послет Сын Человеческий ангелы своя, и соберут от Царствия его вся соблазны и творящих беззаконие мф13:42 и ввергут их в пещь огненну: ту будет плачь и скрежет зубом: мф13:43 тогда праведницы просветятся яко солнце в Царствии Отца их. Имеяй ушы слышати да слышит. *
Богу нашему слава. Аминь.
|
|
| |