| dionisiy1500 | Дата: Вторник, 02.05.2017, 08:17 | Сообщение # 1 |
 Генералиссимус
Группа: Администраторы
Сообщений: 2194
Статус: Offline
| исх28:1 И ты приведи к себе аарона, брата твоего, и сыны его от сынов израилевых, да священнодействуют мне аарон и надав, и авиуд и елеазар и ифамар, сынове аарони.
исх28:2 И да сотвориши ризу святу аарону брату твоему в честь и славу.
исх28:3 И ты возглаголи ко всем премудрым умом, ихже наполних духа мудрости и смышления: и да сотворят ризу святу аарону, в нейже имать священнодействовати мне во святилищи.
исх28:4 И сия суть ризы, ихже сотворят: наперсник и ризу верхнюю, и долгую ризу и ризу тресновиту, и наглавие и пояс: и да сотворят ризы святы аарону и сыном его, во еже священнодействовати мне.
исх28:5 И сии да возмут злато и синету, и багряницу и червленицу и виссон,
исх28:6 и да сотворят ризу верхнюю от виссона сканаго, дело тканно пестрящаго.
исх28:7 Две ризы верхния да будут ему придержащяся едина друзей, на обе стране связаныя.
исх28:8 И ткание риз верхних, еже есть на них, по сотворению их да будет от злата чиста и синеты, и багряницы и червленицы пряденыя и виссона сканаго.
исх28:9 И возмеши два каменя, камене смарагда, и изваяеши на них имена сынов израилевых:
исх28:10 шесть имен на камени единем и шесть имен прочиих на камени друзем по родом их,
исх28:11 дело каменныя хитрости: ваянием печати изваяеши оба каменя имены сынов израилевых.
исх28:12 И положиши оба каменя на раменах верхния ризы: камени в память суть сыном израилевым: и воздвигнет аарон имена сынов израилевых пред Господем на оба рамена своя в память о них.
исх28:13 И да сотвориши щитцы от злата чиста,
исх28:14 и да сотвориши две тресновицы от злата чиста, смешены цветами, дело плетения: и возложиши тресновицы сплетеныя на щитцы по нарамником их сопреди.
исх28:15 И да сотвориши слово судное, дело пестрящаго: по составу ризы верхния да сотвориши сие от злата и синеты, и багряницы и червленицы пряденыя и виссона сканаго:
исх28:16 сотвориши е четвероуголно: да будет сугубо, пяди долгота его и пяди широта,
исх28:17 и нашиеши на нем швение каменное в четыри ряда. Ряд камений да будет: сардий, топазий и смарагд, ряд един:
исх28:18 и ряд вторый, анфракс и сапфир и иаспис:
исх28:19 и ряд третий, лигирий и ахат и амефист:
исх28:20 и ряд четвертый, хрисолиф и вириллий и онихий: объяты златом, исплетены в злате да будут по ряду своему.
исх28:21 И камение да будут от имен двунадесяти сынов израилевых пред Господем: на дву раменах его дванадесять по именам их и по родом их, изваяни печатми, коегождо по имени да будут в дванадесять племен.
исх28:22 И да сотвориши на слове тресны сплетены, делом верижным, от злата чиста.
исх28:23 И да сотвориши на словеси два колца злата: и возложиши два колца злата на оба края словесе.
исх28:24 И возложиши тресны и чепи златы на два колца от обоих краев словесе.
исх28:25 И два края двух тресн наложиши на две чепочки, и возложиши на рамена верхних риз лицем ко другъдругу.
исх28:26 И сотвориши два колца злата, и возложиши на обе страны словесе на край от края задняго верхних риз, отвнутрь.
исх28:27 И сотвориши два колца злата, и возложиши на оба рамена верхния ризы снизу его, лицем по согбению свыше соткания верхних риз.
исх28:28 И стягнеши слово колцами, яже на нем, с колцами верхних риз сложеными, из синеты плетеными во ткание верхних риз, да не низпускается слово с верхних риз.
исх28:29 И да возмет аарон имена сынов израилевых на слове суднем на персех, входящь во святое на память пред Богом. И да положиши на словеси суднем тресны: плетения на оба края словесе возложиши, и оба щита возложиши на обе раме нарамника на лице.
исх28:30 И да возложиши на слово судное явление и истину: и да будет на персех аарону, егда внидет в святое пред Господа: и да носит аарон суды сынов израилевых на персех пред Господем всегда.
исх28:31 И да сотвориши ризу внутреннюю подир всю синю.
исх28:32 И да будет устие посреде его, ожерелие имущо кругом устия делом тканым, сгиб сошвен от него, да не раздерется.
исх28:33 И да сотвориши на омете ризнем снизу, аки шипка цветущаго, пугвицы из синеты и багряницы, и червленицы пряденыя и виссона сканаго, на омете ризы кругом: в тойже образ пугвицы златы, и звонцы между сими окрест.
исх28:34 При пугвице злат звонец, и цвет на омете ризнем, кругом.
исх28:35 И да будет аарону, егда служит, слышан глас его, входящу во святое пред Господа, и исходящу, да не умрет.
исх28:36 И да сотвориши дщицу злату чисту: и изобразиши на ней образ печати, святыня Господня,
исх28:37 и да возложиши ю на синету сканую, и да будет на увясле, спреди увясла да будет,
исх28:38 и да будет на челе аарони: и отимет аарон согрешения святых, елика освятят сынове израилевы от всякаго даяния святых своих, и да будет на челе аарони всегда приято ими пред Господем.
исх28:39 И тресны риз от виссона: и сотвориши клобук виссонный, и пояс да сотвориши дело пестрящаго.
исх28:40 И сыном аароновым да сотвориши ризы и поясы, и клобуки да сотвориши им в честь и славу:
исх28:41 и облечеши в ня аарона брата твоего и сыны его с ним, и да помажеши их, и исполниши руце их и освятиши их, да ми священнодействуют.
исх28:42 И да сотвориши им надраги льняны покрывати стыдения плоти их, от бедр даже до стегн будут,
исх28:43 и да имать аарон и сынове его, егда входят в скинию свидения, или егда приходят служити к жертвеннику святыни: и да не наведут на ся греха, да не умрут: законное вечное (да будет) ему и семени его по нем.
*
Богу нашему слава. Аминь.
|
| |
| |
| dionisiy1500 | Дата: Вторник, 02.05.2017, 08:17 | Сообщение # 2 |
|
Генералиссимус
Группа: Администраторы
Сообщений: 2194
Статус: Offline
| Человек, чтобы молиться во «святая святых», должен быть облечен в одежду добродетели, которая соткана бесстрастно (синета) духом (золото) из образов Воплощения (червленица) и Царства (багряница) в тонкости божественного Смотрения (виссон сканый).
Таких одежд две, согласных между собой.
Думаю, в первой видим Христа, как Бога, во второй, как человека.
*
Облечен не только во мнения о добродетели (имена), но и в навыки (камни) добродетели.
*
Служением высокого молитвенника является соединение (смарагд) с Богом в знании добродетели и упражнении в ней в духе.
А молитва его есть принесение пред Бога своей добродетели (знания и навыков) для Его суда о ней.
*
Основание любой добродетели полагается в чистоте и бесстрастии (да сотвориши ризу внутреннюю подир всю синю).
В стремлении к совершенству (пугвицы) и молитве (звонцы).
*
Целью упражнения в добродетели следует полагать освящение (безгрешность) в тонкости очей веры.
*
Высоким молитвенникам следует иметь учение (ризу) о приобретении бесстрастия (поясы) и возрастании в вере (клобуки).
Когда молитвенник восходит для служения, то ему должно следовать Богу, а не своим желаниям (надраги льняны).
*
Если все это сделать, то можно явиться пред Бога и остаться живым.
**
Богу нашему слава. Аминь.
|
| |
| |
