| dionisiy1500 | Дата: Суббота, 04.02.2017, 07:30 | Сообщение # 1 |
 Генералиссимус
Группа: Администраторы
Сообщений: 2196
Статус: Offline
| ин10:39 Искаху убо паки яти его: и изыде от рук их,
ин10:40 и иде паки на он пол иордана, на место, идеже бе иоанн прежде крестя, и пребысть ту.
ин10:41 И мнози приидоша к нему и глаголаху, яко иоанн убо знамения не сотвори ни единаго: вся же, елика рече иоанн о сем, истинна бяху.
ин10:42 И мнози вероваша в него ту.
ин11:1 Бе же некто боля лазарь от вифании, от веси мариины и марфы сестры ея.
ин11:2 Бе же мариа помазавшая Господа миром и отершая нозе его власы своими, еяже брат лазарь боляше.
ин11:3 Посласте убо сестре к нему, глаголюще: Господи, се, егоже любиши, болит.
ин11:4 Слышав же Иисус рече: сия болезнь несть к смерти, но о славе Божии, да прославится Сын Божий ея ради.
ин11:5 Любляше же Иисус марфу и сестру ея и лазаря.
ин11:6 Егда же услыша, яко болит, тогда пребысть на немже бе месте два дни.
ин11:7 Потом же глагола учеником: идем во иудею паки.
ин11:8 Глаголаша ему ученицы: равви, ныне искаху тебе камением побити иудее, и паки ли идеши тамо?
ин11:9 Отвеща Иисус: не два ли надесяте часа еста во дни? аще кто ходит во дни, не поткнется, яко свет мира сего видит:
ин11:10 аще же кто ходит в нощи, поткнется, яко несть света в нем.
ин11:11 Сия рече и посем глагола им: лазарь друг наш успе: но иду, да возбужу его.
ин11:12 Реша убо ученицы его: Господи, аще успе, спасен будет.
ин11:13 Рече же Иисус о смерти его: они же мнеша, яко о успении сна глаголет.
ин11:14 Тогда рече им Иисус не обинуяся: лазарь умре:
ин11:15 и радуюся вас ради, да веруете, яко не бех тамо: но идем к нему.
ин11:16 Рече же фома, глаголемый близнец, учеником: идем и мы, да умрем с ним.
ин11:17 Пришед же Иисус, обрете его четыри дни уже имуща во гробе.
ин11:18 Бе же вифаниа близ Иерусалима, яко стадий пятьнадесять,
ин11:19 и мнози от иудей бяху пришли к марфе и марии, да утешат их о брате ею.
ин11:20 Марфа убо егда услыша, яко Иисус грядет, срете его: мариа же дома седяше.
ин11:21 Рече же марфа ко Иисусу: Господи, аще бы еси зде был, не бы брат мой умерл:
ин11:22 но и ныне вем, яко елика аще просиши от Бога, даст тебе Бог.
ин11:23 глагола ей Иисус: воскреснет брат твой.
ин11:24 Глагола ему марфа: вем, яко воскреснет в воскрешение, в последний день.
ин11:25 Рече (же) ей Иисус: аз есмь воскрешение и живот: веруяй в мя, аще и умрет, оживет:
ин11:26 и всяк живый и веруяй в мя не умрет во веки. Емлеши ли веру сему?
ин11:27 Глагола ему: ей, Господи: аз веровах, яко ты еси Христос Сын Божий, иже в мир грядый.
ин11:28 И сия рекши, иде и пригласи марию сестру свою тай, рекши: учитель пришел есть и глашает тя.
ин11:29 Она (же) яко услыша, воста скоро и иде к нему.
ин11:30 Не уже бо бе пришел Иисус в весь, но бе на месте, идеже срете его марфа.
ин11:31 Иудее (же) убо сущии с нею в дому и утешающе ю, видевше марию, яко скоро воста и изыде, по ней идоша, глаголюще, яко идет на гроб, да плачет тамо.
ин11:32 Мариа же яко прииде, идеже бе Иисус, видевши его, паде ему на ногу, глаголющи ему: Господи, аще бы еси был зде, не бы умерл мой брат.
ин11:33 Иисус убо, яко виде ю плачущуся и пришедшыя с нею иудеи плачущя, запрети духу и возмутися сам
ин11:34 и рече: где положисте его? Глаголаша ему: Господи, прииди и виждь.
ин11:35 Прослезися Иисус.
ин11:36 Глаголаху убо жидове: виждь, како любляше его.
ин11:37 Нецыи же от них реша: не можаше ли сей, отверзый очи слепому, сотворити, да и сей не умрет?
ин11:38 Иисус же паки претя в себе, прииде ко гробу. Бе же пещера, и камень лежаше на ней.
ин11:39 глагола Иисус: возмите камень. Глагола ему сестра умершаго марфа: Господи, уже смердит: четверодневен бо есть.
ин11:40 глагола ей Иисус: не рех ли ти, яко аще веруеши, узриши славу Божию?
ин11:41 Взяша убо камень, идеже бе умерый лежя. Иисус же возведе очи горе и рече: Отче, хвалу тебе воздаю, яко услышал еси мя:
ин11:42 аз же ведех, яко всегда мя послушаеши: но народа ради стоящаго окрест рех, да веру имут, яко ты мя послал еси.
ин11:43 И сия рек, гласом великим воззва: лазаре, гряди вон.
ин11:44 И изыде умерый, обязан рукама и ногама укроем, и лице его убрусом обязано. глагола им Иисус: разрешите его и оставите ити.
ин11:45 Мнози убо от иудей пришедшии к марии и видевше, яже сотвори Иисус, вероваша в него:
ин11:46 нецыи же от них идоша к фарисеом и рекоша им, яже сотвори Иисус.
*
Вифания (дом фиников или дом угнетения, бедствия)
Лазарь (божия помощь)
*
В человеке различают три силы: (раз)умную, раздражительную и желательную.
Их образ перекладина, лежащая на двух столбах (праг и два подвоя).
*
Когда я рассказываю спрашивающим о молитве, то непременно говорю им о том, что молиться следует (раз)умно, понимая смыслы произносимых слов.
Если молящийся так делает, то получает через молитву помощь от Бога (лазарь).
Если молящийся молится не понимая смысла слов молитвы, то такой помощи не имеет.
Думаю, следует всегда принуждать (вифания) себя молиться (раз)умно, а если случиться потерять понимание, то непременно возвратиться в него.
Такое умное делание любит Господь Иисус (любляше же Иисус марфу и сестру ея и лазаря).
*
Некоторые употребляют слова ум и разум, не различая. Мне кажется, если говорить об умном делании, то полезно их различать.
**
Богу нашему слава. Аминь.
|
| |
| |
