| dionisiy1500 | Дата: Четверг, 23.11.2023, 19:21 | Сообщение # 1 |
 Генералиссимус
Группа: Администраторы
Сообщений: 2194
Статус: Offline
| мк.14.1-11. Добродетель или деньги
мк14:1 Бе же пасха и опресноцы по двою днию: и искаху архиерее и книжницы, како его лестию емше убиют:
мк14:2 глаголаху же: (но) не в праздник, еда како молва будет людска.
*
мк14:3 И сущу ему в вифании, в дому симона прокаженнаго, возлежащу ему, прииде жена, имущи алавастр мира нарднаго пистикиа многоценна: и сокрушши алавастр, возливаше ему на главу.
мк14:4 Бяху же нецыи негодующе в себе и глаголюще: почто гибель сия мирная бысть?
мк14:5 можаше бо сие продано быти вящше триех сот пенязь и датися нищым. И прещаху ей.
мк14:6 Иисус же рече: оставите ю: что ей труды даете? добро дело содела о мне.
мк14:7 Всегда бо нищыя имате с собою, и егда хощете, можете им добро творити: мене же не всегда имате.
мк14:8 Еже име сия, сотвори: предвари помазати мое тело на погребение.
мк14:9 Аминь глаголю вам: идеже аще проповестся Евангелие сие во всем мире, и еже сотвори сия, глаголано будет в память ея.
*
мк14:10 И иуда искариотский, един от обоюнадесяте, иде ко архиереем, да предаст его им.
мк14:11 Они же слышавше возрадовашася и обещаша ему сребреники дати. И искаше, како его в удобно время предаст.
**
Богу нашему слава. Аминь.
|
| |
| |
