| dionisiy1500 | Дата: Четверг, 15.06.2023, 06:13 | Сообщение # 1 |
 Генералиссимус
Группа: Администраторы
Сообщений: 2203
Статус: Offline
| мк7:1 И собрашася к нему фарисее и нецыи от книжник, пришедшии от Иерусалима:
мк7:2 и видевше некиих от ученик его нечистыми руками, сиречь неумовеными, ядущих хлебы, ругахуся.
мк7:3 Фарисее бо и вси иудее, аще не трыюще умыют рук, не ядят, держаще предания старец:
мк7:4 и от торжища, аще не покуплются, не ядят. И ина многа суть, яже прияша держати: погружения сткляницам и чваном и котлом и одром.
мк7:5 Потом же вопрошаху его фарисее и книжницы: почто ученицы твои не ходят по преданию старец, но неумовеными руками ядят хлеб?
мк7:6 Он же отвещав рече им, яко добре пророчествова исаиа о вас лицемерех, якоже есть писано: сии людие устнами мя чтут, сердце же их далече отстоит от мене,
мк7:7 всуе же чтут мя, учаще учением, заповедем человеческим:
мк7:8 оставльше бо заповедь Божию, держите предания человеческая, крещения чваном и сткляницам, и ина подобна такова многа творите.
мк7:9 И глаголаше им: добре отметаете заповедь Божию, да предание ваше соблюдете:
мк7:10 Моисей бо рече: чти отца твоего и матерь твою: и иже злословит отца или матерь, смертию да умрет:
мк7:11 вы же глаголете: аще речет человек отцу или матери: корван, еже есть дар, иже аще пользовался еси от мене:
мк7:12 и не ктому оставляете его что сотворити отцу своему или матери своей,
мк7:13 преступающе слово Божие преданием вашим, еже предасте: и подобна такова многа творите.
мк7:14 И призвав весь народ, глаголаше им: послушайте мене вси и разумейте:
мк7:15 ничтоже есть внеуду человека входимо в онь, еже может осквернити его: но исходящая от него, та суть сквернящая человека:
мк7:16 аще кто имать ушы слышати, да слышит.
мк7:17 И егда вниде в дом от народа, вопрошаху его ученицы его о притчи.
мк7:18 И глагола им: тако ли и вы неразумливи есте? не разумеете ли, яко все, еже извне входимое в человека, не может осквернити его?
мк7:19 яко не входит ему в сердце, но во чрево: и афедроном исходит, истребляя вся брашна.
мк7:20 глаголаше же, яко исходящее от человека, то сквернит человека:
мк7:21 извнутрь бо от сердца человеческа помышления злая исходят, прелюбодеяния, любодеяния, убийства,
мк7:22 татьбы, лихоимства, (обиды,) лукавствия, лесть, студодеяния, око лукаво, хула, гордыня, безумство:
мк7:23 вся сия злая извнутрь исходят и сквернят человека.
*
Следует предпочитать (чтить) божественное всему остальному.
В делах, разумениях и расположениях.
*
Если не иметь соответствующих сердечных расположений (фарисеи и книжники), то можно увлечься преданиями старцев (в телесном), которые могут не только отвлекать нас от божественного, но и противоречить ему.
Например, можно чувствовать себя комфортно (иерусалим), хваля Бог произнесением слов.
*
Хорошо чтить Бога «всяческим хранением храня свое сердце»
Если сердце чисто, то чисты и разумения и дела.
Потому станем «трезвиться»
**
Богу нашему слава. Аминь.
|
| |
| |
