| dionisiy1500 | Дата: Суббота, 21.01.2023, 06:04 | Сообщение # 1 |
 Генералиссимус
Группа: Администраторы
Сообщений: 2194
Статус: Offline
| нав3:1 И воста заутра иисус, и воздвигошася из саттина, и приидоша до иордана той и вси сынове израилевы, и сташа тамо прежде неже прейти.
нав3:2 И бысть по триех днех, проидоша книгочия чрез полк,
нав3:3 и заповедаша людем, глаголюще: егда узрите кивот завета Господа Бога нашего, и жерцы нашя, и левиты воздвизающыя его, да воздвигнетеся и вы от мест ваших и пойдете вслед его:
нав3:4 но подалее да будет между вами и оным, елико две тысящы лакот станете: не приближитеся к нему, да увесте путь, по немуже пойдете: не ходисте бо путем тем ни вчера, ни третияго дне.
нав3:5 И рече иисус к людем: очиститеся наутрие, яко заутра сотворит в вас Господь чудная.
нав3:6 И рече иисус к жерцем: воздвигните кивот завета Господня и предидите пред людьми. И взяша жерцы кивот завета Господня и идоша пред людьми.
нав3:7 И рече Господь ко иисусу: в сей день начинаю возвышати тя пред всеми сынми израилевыми, да уведят, якоже бех с моисеом, тако буду и с тобою:
нав3:8 и ныне заповеждь жерцем воздвизающым кивот завета, глаголя: егда внидете на часть воды иордана, и во иордане станете.
нав3:9 И рече иисус сыном израилевым: приступите семо, и слышите слово Господа Бога вашего:
нав3:10 в сих увесте, яко Господь живяй в вас и потребляяй потребит от лица вашего хананеа и хеттеа, и ферезеа и евеа, и гергесеа и аморреа и иевусеа:
нав3:11 се, кивот завета Господа всея земли преходит иордан:
нав3:12 изберите себе дванадесять мужей от сынов израилевых, единаго от коегождо племене,
нав3:13 и будет егда почиют нози жерцев воздвизающих кивот завета Господа всея земли в воде иордана, вода иорданова оскудеет, вода же низтекущая станет.
нав3:14 И бысть егда воздвигнушася людие от кущ своих прейти иордан, жерцы же воздвигоша кивот завета Господня пред людьми:
нав3:15 егда же внидоша жерцы воздвижуще кивот завета Господня во иордан, и нози жерцев воздвизающих кивот завета Господня омочишася в части воды иордана, иордан же наполняшеся во вся краи своя, якоже во дни жатвы пшеницы:
нав3:16 и сташа воды текущыя свыше, ста огустение едино отлучившееся далече зело зело от адами града даже до страны кариафиарима: низтекущая же низтече в море аравско, в море сланое, дондеже до конца оскуде.
нав3:17 И людие стояху прямо иерихону. И сташа жерцы воздвизающии кивот завета Господня на сусе посреде иордана: и вси сынове израилевы прехождаху по суху, дондеже скончаша вси людие преходяще иордан.
*
Прохождение через море и пустыню, думаю, есть образ избавления от египетских мнений и устройств естества.
*
Подобно, прохождение через иордан есть образ крещения в подвижничество богопознания.
В познание Троицы (Кивот Завета). (?)
В Богослужении и Таинствах Церкви (нози жерцев воздвизающих кивот завета Господня омочишася в части воды иордана).
Для всех христиан.
**
Богу нашему слава. Аминь.
|
| |
| |
