| dionisiy1500 | Дата: Четверг, 30.10.2014, 09:33 | Сообщение # 1 |
 Генералиссимус
Группа: Администраторы
Сообщений: 2196
Статус: Offline
| Пс.106. Болезни свободы
1 Исповедайтеся Господеви, яко благ, яко в век милость его.
2 Да рекут избавленнии Господем, ихже избави из руки врага,
3 и от стран собра их, от восток и запад, и севера и моря:
4 заблудиша в пустыни безводней, пути града обителнаго не обретоша:
5 алчуще и жаждуще, душа их в них изчезе.
6 И воззваша ко Господу, внегда скорбети им, и от нужд их избави я:
7 и настави я на путь прав, внити во град обителный.
8 Да исповедятся Господеви милости его и чудеса его сыновом человеческим:
9 яко насытил есть душу тщу, и душу алчущу исполни благ:
10 седящыя во тме и сени смертней, окованныя нищетою и железом,
11 яко преогорчиша словеса Божия, и совет вышняго раздражиша.
12 И смирися в трудех сердце их, и изнемогоша, и не бе помагаяй.
13 И воззваша ко Господу, внегда скорбети им, и от нужд их спасе я:
14 и изведе я из тмы и сени смертныя, и узы их растерза.
15 Да исповедятся Господеви милости его и чудеса его сыновом человеческим:
16 яко сокруши врата медная, и вереи железныя сломи.
17 Восприят я от пути беззакония их: беззаконий бо ради своих смиришася.
18 Всякаго брашна возгнушася душа их, и приближишася до врат смертных.
19 И воззваша ко Господу, внегда скорбети им, и от нужд их спасе я:
20 посла слово свое, и изцели я, и избави я от растлений их.
21 Да исповедятся Господеви милости его и чудеса его сыновом человеческим:
22 и да пожрут ему жертву хвалы и да возвестят дела его в радости.
23 Сходящии в море в кораблех, творящии делания в водах многих,
24 тии видеша дела Господня и чудеса его во глубине.
25 Рече, и ста дух бурен, и вознесошася волны его:
26 восходят до небес и низходят до бездн: душа их в злых таяше:
27 смятошася, подвигошася яко пияный, и вся мудрость их поглощена бысть.
28 И воззваша ко Господу, внегда скорбети им, и от нужд их изведе я:
29 и повеле бури, и ста в тишину, и умолкоша волны его.
30 И возвеселишася, яко умолкоша, и настави я в пристанище хотения своего.
31 Да исповедятся Господеви милости его и чудеса его сыновом человеческим:
32 да вознесут его в Церкви людстей, и на седалищи старец восхвалят его.
33 Положил есть реки в пустыню и исходища водная в жажду,
34 землю плодоносную в сланость, от злобы живущих на ней.
35 Положил есть пустыню во езера водная и землю безводную во исходища водная.
36 И насели тамо алчущыя, и составиша грады обителны:
37 и насеяша села, и насадиша винограды, и сотвориша плод житен.
38 И благослови я, и умножишася зело: и скоты их не умали.
39 И умалишася и озлобишася от скорби зол и болезни:
40 излияся уничижение на князи их, и облазни я по непроходней, а не по пути.
41 И поможе убогу от нищеты и положи яко овцы отечествия.
42 Узрят правии и возвеселятся, и всякое беззаконие заградит уста своя.
43 Кто премудр и сохранит сия? и уразумеют милости Господни.
***
Плохо, когда мы в руках врагов, но не меньше опасностей бывает, когда мы свободны.
Первая опасность, заблудить от правильного пути. "заблудиша в пустыни безводней, пути града обителнаго не обретоша"
Вторая, непослушание божественным словам. "яко преогорчиша словеса Божия, и совет вышняго раздражиша"
Третья, ненависть ко всякой вещи. "Всякаго брашна возгнушася душа их"
Четвертая, излишняя пытливость. "Сходящии в море в кораблех, творящии делания в водах многих"
Пятая, малодушие. "И умалишася и озлобишася от скорби зол и болезни"
***
Богу нашему слава. Аминь.
|
| |
| |
| dionisiy1500 | Дата: Четверг, 30.10.2014, 09:35 | Сообщение # 2 |
|
Генералиссимус
Группа: Администраторы
Сообщений: 2196
Статус: Offline
| А есть лекарство?
Давид говорит в этом псалме, что есть универсальное средство от скорби – воззвать ко Господу.
***
Богу нашему слава. Аминь.
|
| |
| |
