| dionisiy | Дата: Пятница, 15.02.2013, 14:51 | Сообщение # 1 |
 Admin
Группа: Администраторы
Сообщений: 651
Статус: Offline
| Исх.1.
1 Сия имена сынов израилевых, входящих во египет вкупе со иаковом отцем их, кийждо со всем домом своим внидоша:
2 рувим, симеон, левий, иуда,
3 иссахар, завулон и вениамин,
4 дан и неффалим, гад и асир: иосиф же бяше во египте.
5 Бяше же всех душ изшедших из иакова седмьдесят пять.
6 Умре же иосиф, и вся братия его, и весь род оный:
7 сынове же израилевы возрастоша и умножишася, и мнози быша и укрепишася зело зело: умножи же их земля.
8 Воста же царь ин во египте, иже не знаше иосифа,
9 рече же языку своему: се, род сынов израилевых великое множество и укрепляется паче нас:
10 приидите убо, прехитрим их, да не когда умножатся: и егда аще приключится нам брань, приложатся и сии к супостатом, и одолевше нам изыдут из земли (нашея).
11 И пристави над ними приставники дел, да озлобят их в делех. И создаша грады тверды фараону: пифо, и рамесси, и он, иже есть илиополь.
12 По елику же их смиряху, толико множайшии бываху и укрепляхуся зело зело. И гнушахуся египтяне сынми израилевыми,
13 и насилие творяху египтяне сыном израилевым нуждею,
14 и болезненну тем жизнь творяху в делех жестоких брением и плинфоделанием, и всеми делы, яже в полях, во всех делех, имиже порабощаху их с нуждею.
15 И рече царь египетский бабам еврейским: единей их имя сепфора и имя вторей фуа,
16 и рече (им): егда бабите евреаныням, и суть к рождению, аще убо мужеский пол будет, убивайте его: аще же женский, снабдевайте его.
17 Убояшася же бабы Бога, и не сотвориша, якоже повеле им царь египетский, и живляху мужеский пол.
18 Призва же царь египетский бабы и рече им: что яко сотвористе вещь сию, и оживляете мужеский пол?
19 Рекоша же бабы фараону: не яко жены египтяныни, тако и жены евреаныни: раждают бо прежде неже внити к ним бабам, и раждаху.
20 Благо же творяше Бог бабам, и множахуся людие и укрепляхуся зело.
21 И понеже бояхуся бабы Бога, сотвориша себе жилища.
22 Заповеда же фараон всем людем своим, глаголя: всяк мужеский пол, иже родится евреом, в реку ввергайте, и всяк женский пол снабдевайте и жив.
***
Всякому христианину приходится бывать в Египте.
Когда мы узнаем какую-либо заповедь, то Бог помещает нас в Египет для упражнения в ней.
Узнать об этом можно по тому, что нам очень хочется ее нарушать и не хочется исполнять.
Египет похож на духовный тренажер. Подвизаться в нем трудно, но можно быстро возрастать в силе.
***
На еврейском Египет называют мицраим – «разделенный на двое»
Заповеди небесны и потому напаяются с неба. Египет же напаяется от земли рекой.
Потому человек в Египте всегда исполняет заповедь с трудом (с отягощением).
***
Простите ... Прошу Ваших молитв.
|
| |
| |
