| dionisiy | Дата: Среда, 06.03.2013, 16:39 | Сообщение # 1 |
 Admin
Группа: Администраторы
Сообщений: 651
Статус: Offline
| Быт.6.
1 И бысть егда начаша человецы мнози бывати на земли, и дщери родишася им:
2 видевше же сынове Божии дщери человечи, яко добры суть, пояша себе жены от всех, яже избраша.
3 И рече Господь Бог: не имать Дух мой пребывати в человецех сих во век, зане суть плоть: будут же дние их лет сто двадесять.
4 Исполини же бяху на земли во дни оны: и потом, егда вхождаху сынове Божии к дщерем человеческим, и раждаху себе: тии бяху исполини, иже от века, человецы именитии.
5 Видев же Господь Бог, яко умножишася злобы человеков на земли: и всяк помышляет в сердцы своем прилежно на злая во вся дни:
6 и помысли Бог, яко сотвори человека на земли, и размысли.
7 и рече Бог: потреблю человека, егоже сотворих, от лица земли, от человека даже до скота, и от гад даже до птиц небесных: зане размыслих, яко сотворих я.
8 Ное же обрете благодать пред Господем Богом.
9 Сия же бытия ноева: ное человек праведен совершен сый в роде своем, Богу угоди ное.
10 Роди же ное три сыны, сима, хама, иафефа.
11 Растлеся же земля пред Богом, и наполнися земля неправды.
12 И виде Господь Бог землю, и бе растленна: яко растли всяка плоть путь свой на земли.
13 И рече Господь Бог ною: время всякаго человека прииде пред мя, яко исполнися земля неправды от них: и се, аз погублю их и землю.
14 Сотвори убо себе ковчег от древ (негниющих) четвероуголных: гнезда сотвориши в ковчезе, и посмолиши его внутрьуду и внеуду смолою.
15 И тако сотвориши ковчег: трех сот лактей долгота ковчега, и пятидесяти лактей широта, и тридесяти лактей высота его.
16 Собирая сводом сотвориши ковчег, и в лакоть свершиши его свыше: дверь же ковчега сотвориши от страны: обиталища двокровна и трекровна сотвориши в нем.
17 Аз же, се, наведу потоп, воду на землю, погубити всяку плоть, в нейже есть дух жизни под небесем: и елика суть на земли, скончаются.
18 И поставлю завет мой с тобою: внидеши же в ковчег ты и сынове твои, и жена твоя и жены сынов твоих с тобою.
19 И от всех скотов и от всех гад, и от всех зверей, и от всякия плоти, два два от всех введеши в ковчег, да питаеши с собою: мужеский пол и женский будут.
20 От всех птиц пернатых по роду, и от всех скотов по роду, и от всех гадов ползающих по земли по роду их, два два от всех внидут к тебе, питатися с тобою, мужеский пол и женский.
21 Ты же возми себе от всех брашен, яже имате ясти, и собереши к себе, и будут тебе и оным брашно.
22 И сотвори ное вся елика заповеда ему Господь Бог, тако сотвори.
***
НОЙ (покой, успокоение)
СИМ (имя, название)
ХАМ (темный, загорелый, смуглый)
ИАФЕТ (да распространится)
***
Если человек делает праведное (ной), то обретает благодать пред Господом Богом.
Действия благодати могут являться:
• в познании Божественного имени (сим),
• в обличении беззакония (хам),
• в умножении силы (иафет).
***
Простите ... Прошу Ваших молитв.
|
| |
| |
