После грехопадения и гибели Авеля в человеке осталось одно начало — эгоизм (Каин). Бог, не желая гибели своего творения, воскресил в человеке другое начало (Сиф). Божественное Семя подготовило человечество к Воплощению Спасителя. Воплощение соединило всех в лице Христа с Богом. Сошествие Духа оживотворило Церковь, чтобы всякий верующий мог воспользоваться божественными благами.

Первый дар воскресения — упование помощи от призывания Божественного Имени (Енос). Кажется, малое дело, но смотрите последовательность его плодов:

Стяжание божественной славы (Каинан=стяжание, Малелеил=божественная слава).
Соединение с Богом (Иаред=низхождение).
Преложение на небо (Енох=посвященный).
Исполненность благ (Мафусал=муж божий).
Неотъемлемость благ (Ламех=сильный).
Упокоение в Боге (Ной=покой).

Удивительна сила молитвы с упованием. Мне кажется, что есть смысл упражняться в ней с великим прилежанием.

Быт.4.25 — 5.32

25 Позна же адам еву жену свою: и заченши роди сына, и именова имя ему сиф, глаголющи: воскреси бо ми Бог семя другое, вместо авеля, егоже уби каин.
26 И сифу бысть сын: именова же имя ему енос: сей упова призывати имя Господа Бога.
5
1 Сия книга бытия человеча, в оньже день сотвори Бог адама, по образу Божию сотвори его,
2 мужа и жену сотвори их и благослови их: и нарече имя ему адам, в оньже день сотвори их.
3 Поживе же адам лет двесте тридесять и роди сына по виду своему и по образу своему, и нарече имя ему сиф.
4 Быша же дние адамовы, яже поживе, по еже родити ему сифа, лет седмь сот, и роди сыны и дщери.
5 И быша вси дние адамовы, яже поживе, лет девять сот и тридесять: и умре.
6 Поживе же сиф лет двесте пять и роди еноса.
7 И поживе сиф, по еже родити ему еноса, лет седмь сот и седмь, и роди сыны и дщери.
8 И быша вси дние сифовы лет девять сот и дванадесять: и умре.
9 И поживе енос лет сто девятьдесят и роди каинана.
10 И поживе енос, по еже родити ему каинана, лет седмь сот и пятьнадесять, и роди сыны и дщери.
11 И быша вси дние еносовы лет девять сот и пять: и умре.
12 И поживе каинан лет сто седмьдесят и роди малелеила.
13 И поживе каинан, по еже родити ему малелеила, лет седмь сот и четыредесять, и роди сыны и дщери.
14 И быша вси дние каинановы лет девять сот и десять: и умре.
15 И поживе малелеил лет сто шестьдесят пять и роди иареда.
16 И поживе малелеил, по еже родити ему иареда, лет седмь сот и тридесять, и роди сыны и дщери.
17 И быша вси дние малелеиловы лет осмь сот и девятьдесят пять: и умре.
18 И поживе иаред лет сто шестьдесят два и роди еноха.
19 И поживе иаред, по еже родити ему еноха, лет осмь сот, и роди сыны и дщери.
20 И быша вси дние иаредовы лет девять сот и шестьдесят два: и умре.
21 И поживе енох лет сто шестьдесят пять и роди мафусала.
22 Угоди же енох Богу, и поживе енох, по еже родити ему мафусала, лет двесте, и роди сыны и дщери.
23 И быша вси дние еноховы лет триста шестьдесят пять.
24 И угоди енох Богу, и не обреташеся, зане преложи его Бог.
25 И поживе мафусал лет сто осмьдесят седмь и роди ламеха.
26 И поживе мафусал, по еже родити ему ламеха, лет седмь сот осмьдесят два, и роди сыны и дщери.
27 И быша вси дние мафусаловы, яже поживе, лет девять сот и шестьдесят девять: и умре.
28 И поживе ламех лет сто осмьдесят осмь и роди сына,
29 и нарече имя ему ное, глаголя: сей упокоит нас от дел наших и от печали рук наших, и от земли, юже прокля Господь Бог.
30 И поживе ламех, по еже родити ему ноа, лет пять сот и шестьдесят пять, и роди сыны и дщери.
31 И быша вси дние ламеховы лет седмь сот и пятьдесят три: и умре.
32 И бе ное лет пяти сот, и роди сыны три, сима, хама, иафефа.