| dionisiy1500 | Дата: Четверг, 25.04.2019, 07:17 | Сообщение # 1 |
 Генералиссимус
Группа: Администраторы
Сообщений: 2191
Статус: Offline
| Исх.13.17-14.31. Духовная брань
исх13:17 Егда же отпусти фараон люди, не поведе их Бог путем земли филистимския, яко близ бяше, ибо рече Бог: да не когда раскаются людие, видевше рать, и возвратятся во египет.
исх13:18 И обведе Бог люди путем, иже в пустыню к чермному морю. Пятаго же рода изыдоша сынове израилевы от земли египетския.
исх13:19 И взя моисей кости иосифовы с собою: клятвою бо закля иосиф сыны израилевы, глаголя: присещением присетит вас Господь, и изнесете отсюду кости моя с собою.
исх13:20 Воздвигшеся же сынове израилевы от сокхофа, ополчишася во офоме при пустыни.
исх13:21 Бог же вождаше их, в день убо столпом облачным, показати им путь, нощию же столпом огненным, светити им:
исх13:22 и не оскуде столп облачный во дни и столп огненный нощию пред всеми людьми.
исх14:1 И рече Господь к моисею глаголя:исх14:1 И рече Господь к моисею глаголя:
исх14:2 рцы сыном израилевым, и обратившеся да ополчатся прямо придворию, между магдолом и между морем, прямо веельсепфону: пред ними ополчишися при мори:
исх14:3 и речет фараон людем своим о сынех израилевых: заблуждают сии по земли, затвори бо их пустыня:
исх14:4 аз же ожесточу сердце фараоново, и поженет созади их, и прославлюся в фараоне и во всем воинстве его: и уразумеют вси египтяне, яко аз есмь Господь. И сотвориша тако.
исх14:5 И возвещено бысть царю египетскому, яко бежаша людие, и превратися сердце фараоново и рабов его на люди, и рекоша: что сие сотворихом, отпустивше сыны израилевы, да не работают нам?
исх14:6 Впряже убо фараон колесницы своя, и вся люди своя собра с собою:
исх14:7 и поят шесть сот колесниц избранных, и вся кони египетския, и тристаты над всеми.
исх14:8 И ожесточи Господь сердце фараона царя египетскаго и рабов его, и погна созади сынов израилевых. Сынове же израилевы исхождаху рукою высокою.
исх14:9 И погнаша египтяне вслед их, и обретоша их ополчившихся при мори: и вся кони и колесницы фараоновы, и конницы, и воинство его прямо придворию, противу веельсепфона.
исх14:10 И фараон приближашеся. Воззревше же сынове израилевы очима, видеша: и се, египтяне ополчишася вслед их: и убояшася зело, и возопиша сынове израилевы ко Господу
исх14:11 и рекоша к моисею: за еже не быти гробом во египте, извел еси нас умертвити в пустыни: что сие сотворил еси нам, извед нас из египта?
исх14:12 не сей ли бяше глагол, егоже рекохом к тебе во египте, глаголюще: остави нас, да работаем египтяном: лучше бо бяше нам работати египтяном, нежели умрети в пустыни сей.
исх14:13 Рече же моисей к людем: дерзайте, стойте и зрите спасение еже от Господа, еже сотворит нам днесь: имже бо образом видесте египтян днесь, не приложите ктому видети их в вечное время:
исх14:14 Господь поборет по вас, вы же умолкните.
исх14:15 И рече Господь к моисею: что вопиеши ко мне? рцы сыном израилевым, и да путешествуют,
исх14:16 ты же возми жезл твой и простри руку твою на море, и расторгни е: и да внидут сынове израилевы посреде моря по суху:
исх14:17 и се, аз ожесточу сердце фараоново и всех египтян, и внидут вслед их: и прославлюся в фараоне и во всем воинстве его, и в колесницах и в конех его,
исх14:18 и уведят вси египтяне, яко аз есмь Господь, егда прославляюся в фараоне и в колесницах и в конех его.
исх14:19 Взятся же ангел Божий ходяй пред полком сынов израилевых и пойде созади их, взятся же и столп облачный от лица их и ста созади их.
исх14:20 И вниде посреде полка египетска и посреде полка сынов израилевых и ста: и бысть тма и мрак, и прииде нощь, и не смесишася друг с другом во всю нощь.
исх14:21 Простре же моисей руку на море, и возгна Господь море ветром южным сильным всю нощь, и сотвори море сушу, и разступися вода.
исх14:22 И внидоша сынове израилевы посреде моря по суху, и вода им стена бысть одесную и стена ошуюю.
исх14:23 Погнаша же египтяне и внидоша вслед их, и всяк конь фараонов, и колесницы, и всадники посреде моря.
исх14:24 Бысть же в стражу утреннюю, и воззре Господь на полк египетский в столпе огненнем и облачнем, и смяте полк египетский,
исх14:25 и связа оси колесниц их, и ведяше их с нуждею. И рекоша египтяне: бежим от лица израилева, Господь бо поборает по них на египтяны.
исх14:26 И рече Господь к моисею: простри руку твою на море, и да совокупится вода и да покрыет египтяны, колесницы же и всадники.
исх14:27 Простре же моисей руку на море, и устроися вода ко дню на место: египтяне же бежаша под водою, и истрясе Господь египтяны посреде моря:
исх14:28 и обратившися вода покры колесницы и всадники и всю силу фараонову, вшедши вслед их в море: и не оста от них ни един.
исх14:29 Сынове же израилевы проидоша по суху посреде моря: вода же им стена (бысть) одесную и стена ошуюю,
исх14:30 и избави Господь израиля в день он из руки египетския: и видеша сынове израилевы египтян измерших при краи моря.
исх14:31 Виде же израиль руку великую, яже сотвори Господь египтяном, и убояшася людие Господа и вероваша Богу и моисею угоднику его.
*
Всякого христианина (израильтянина) следует научить бояться Господа, верить Богу и Его святым.
*
Бог использует для обучения противные силы (фараона и его воинство).
Для чего возбуждает в них неудержимое желание вновь поработить нас (вернуть в египет).
Когда они нападут на нас (не на деле, но в устрашающей возможности), мы смущаемся и ропщем на своих вождей.
Для спасения следует перестать смущаться (умолкнуть), вспомнить о несении Креста, и продолжить идти с ним по жизни.
Действуя так, не только пройдем житейское море (по суху), но и научимся Страху Господню и вере в Бога.
*
Желающие более подробно ознакомиться с духовной бранью могут воспользоваться «Словами о трезвении» преподобного Исихия пресвитера Иерусалимского.
(Добротолюбие, том 2)
**
Богу нашему слава. Аминь.
|
| |
| |
