| dionisiy1500 | Дата: Воскресенье, 07.10.2018, 08:26 | Сообщение # 1 |
 Генералиссимус
Группа: Администраторы
Сообщений: 2191
Статус: Offline
| Исх.7.25-8.15. Явление нечистоты
исх7:25 И исполнишася седмь дний, по ударении Господни в реку.
исх8:1 И рече Господь к моисею: вниди к фараону и речеши к нему: сия глаголет Господь: отпусти люди моя, да ми послужат:
исх8:2 аще же не хощеши ты отпустити, се, аз побиваю вся пределы твоя жабами:
исх8:3 и изрыгнет река жабы, и излезшя внидут в домы твоя и в клети ложниц твоих, и на постели твоя и в домы рабов твоих и людий твоих, и в теста твоя и в пещы твоя,
исх8:4 и на тя и на рабы твоя и на люди твоя возлезут жабы.
исх8:5 Рече же Господь к моисею: рцы аарону брату твоему: простри рукою твоею жезл твой на реки и на кладязи и на езера, и изведи жабы на землю египетскую.
исх8:6 И простре аарон руку на воды египетския и изведе жабы: и излезоша жабы и покрыша землю египетскую.
исх8:7 Сотвориша же и волсви египетстии волхвованиями своими такожде и изведоша жабы на землю египетскую.
исх8:8 Призва же фараон моисеа и аарона и рече: помолитеся о мне ко Господу, да отженет от мене жабы и от людий моих: и отпущу люди, и пожрут Господви.
исх8:9 Рече же моисей к фараону: определи мне, когда помолюся о тебе и о рабех твоих и о людех твоих, да погибнут жабы от тебе и от людий твоих и от домов ваших, точию в реце да останутся.
исх8:10 Он же рече: заутра. Рече убо: якоже рекл еси, да увеси, яко несть иного разве Господа:
исх8:11 и отженутся жабы от тебе и от домов ваших и от сел, и от рабов твоих и от людий твоих, точию в реце останутся.
исх8:12 Изыде же моисей и аарон от фараона, и возопи моисей ко Господу о определении жаб, якоже совеща с фараоном.
исх8:13 Сотвори же Господь, якоже рече моисей: и изомроша жабы от домов и от сел и от нив их:
исх8:14 и собраша я в стоги стоги, и возсмердеся земля.
исх8:15 Видев же фараон, яко бысть отрада, отяготися сердце его, и не послуша их, якоже рече Господь.
*
Река, думаю, есть общий образ духа мира, который содержит в себе множество нечистых духов (бесов).
Бесы предпочитают быть невидимыми, но, если подвижник станет подвизаться христианским подвигом, то увидит их в своих делах, словах и чувствах.
Видеть их противно даже язычникам.
**
Богу нашему слава. Аминь.
|
| |
| |
