| dionisiy1500 | Дата: Четверг, 26.10.2017, 09:05 | Сообщение # 1 |
 Генералиссимус
Группа: Администраторы
Сообщений: 2191
Статус: Offline
| мф.9.36-10.42. Делатели божественной жатвы
мф9:36 Видев же народы, милосердова о них, яко бяху смятени и отвержени, яко овцы не имущыя пастыря.
мф9:37 Тогда глагола учеником своим: жатва убо многа, делателей же мало:
мф9:38 молитеся убо Господину жатвы, яко да изведет делатели на жатву свою.
мф10:1 И призва обанадесять ученики своя, даде им власть на дусех нечистых, яко да изгонят их, и целити всяк недуг и всяку болезнь.
мф10:2 Дванадесятих же апостолов имена суть сия: первый симон, иже нарицается петр, и андрей брат его: иаков зеведеев и иоанн брат его:
мф10:3 филипп и варфоломей: фома и матфей мытарь: иаков алфеев и леввей, нареченный фаддей:
мф10:4 симон кананит и иуда искариотский, иже и предаде его.
мф10:5 Сия обанадесять посла Иисус, заповеда им, глаголя: на путь язык не идите и во град самарянский не внидите:
мф10:6 идите же паче ко овцам погибшым дому израилева:
мф10:7 ходяще же проповедуйте, глаголюще, яко приближися Царствие небесное:
мф10:8 болящыя изцеляйте, прокаженныя очищайте, мертвыя воскрешайте, бесы изгоняйте: туне приясте, туне дадите.
мф10:9 Не стяжите злата, ни сребра, ни меди при поясех ваших,
мф10:10 ни пиры в путь, ни двою ризу, ни сапог, ни жезла: достоин бо есть делатель мзды своея.
мф10:11 В оньже аще (колиждо) град или весь внидете, испытайте, кто в нем достоин есть, и ту пребудите, дондеже изыдете:
мф10:12 входяще же в дом целуйте его, глаголюще: мир дому сему:
мф10:13 и аще убо будет дом достоин, приидет мир ваш нань: аще ли же не будет достоин, мир ваш к вам возвратится.
мф10:14 И иже аще не приимет вас, ниже послушает словес ваших, исходяще из дому или из града того, оттрясите прах ног ваших:
мф10:15 аминь глаголю вам: отраднее будет земли содомстей и гоморрстей в день судный, неже граду тому.
мф10:16 Се, аз посылаю вас яко овцы посреде волков: будите убо мудри яко змия, и цели яко голубие.
мф10:17 Внемлите же от человек: предадят бо вы на сонмы, и на соборищих их биют вас,
мф10:18 и пред владыки же и цари ведени будете мене ради, во свидетелство им и языком.
мф10:19 Егда же предают вы, не пецытеся, како или что возглаголете: дастбося вам в той час, что возглаголете:
мф10:20 не вы бо будете глаголющии, но Дух Отца вашего глаголяй в вас.
мф10:21 Предаст же брат брата на смерть, и отец чадо: и востанут чада на родители и убиют их:
мф10:22 и будете ненавидими всеми имене моего ради: претерпевый же до конца, той спасен будет.
мф10:23 Егда же гонят вы во граде сем, бегайте в другий. Аминь бо глаголю вам: не имате скончати грады израилевы, дондеже приидет Сын Человеческий.
мф10:24 Несть ученик над учителя (своего), ниже раб над господина своего:
мф10:25 довлеет ученику, да будет яко учитель его, и раб яко господь его. Аще господина дому веельзевула нарекоша, кольми паче домашния его?
мф10:26 Не убойтеся убо их: ничтоже бо есть покровено, еже не открыется, и тайно, еже не уведено будет.
мф10:27 Еже глаголю вам во тме, рцыте во свете: и еже во ушы слышите, проповедите на кровех.
мф10:28 И не убойтеся от убивающих тело, души же не могущих убити: убойтеся же паче могущаго и душу и тело погубити в геенне.
мф10:29 Не две ли птице ценитеся единому ассарию? и ни едина от них падет на земли без Отца вашего:
мф10:30 вам же и власи главнии вси изочтени суть:
мф10:31 не убойтеся убо: мнозех птиц лучши есте вы.
мф10:32 Всяк убо иже исповесть мя пред человеки, исповем его и аз пред Отцем моим, иже на небесех:
мф10:33 а иже отвержется мене пред человеки, отвергуся его и аз пред Отцем моим, иже на небесех.
мф10:34 Не мните, яко приидох воврещи мир на землю: не приидох воврещи мир, но мечь:
мф10:35 приидох бо разлучити человека на отца своего, и дщерь на матерь свою, и невесту на свекровь свою.
мф10:36 И врази человеку домашнии его.
мф10:37 Иже любит отца или матерь паче мене, несть мене достоин: и иже любит сына или дщерь паче мене, несть мене достоин:
мф10:38 и иже не приимет креста своего и вслед мене грядет, несть мене достоин.
мф10:39 Обретый душу свою погубит ю: а иже погубит душу свою мене ради, обрящет ю.
мф10:40 Иже вас приемлет, мене приемлет: и иже приемлет мене, приемлет пославшаго мя:
мф10:41 приемляй пророка во имя пророчо, мзду пророчу приимет: и приемляй праведника во имя праведничо, мзду праведничу приимет:
мф10:42 и иже аще напоит единаго от малых сих чашею студены воды токмо, во имя ученика, аминь глаголю вам, не погубит мзды своея.
*
Господь Иисус имел много учеников, из которых избрал двенадцать.
Почему?
Думаю, двенадцать избранных учеников есть образы двенадцати источников разума, напояющих богопознание.
Именно о них, думаю, говорится в книге Исход:
исх15:27 И приидоша во елим, и бяху тамо дванадесять источников вод, и седмьдесят стеблий финиковых: и ополчишася тамо при водах.
То есть, чтобы быть учеником Христа, необходимо пить из двенадцати разумных источников.
*
Пить из двенадцати разумных источников и вкушать от семидесяти финиковых пальм.
Семьдесят финиковых пальм, думаю, есть образ совершенства христианской жизни.
**
Богу нашему слава. Аминь.
|
| |
| |
